Welcome to the Des Moines Public Schools

16734444652_69eba0c1e8_kဒီမောရီစ်လူထု စာသင်ကျောင်း (Des Moines Public Schools) မှ ကြိုဆိုပါသည်

ဒီမောရီစ်လူထု စာသင်ကျောင်းသည် အိုက်အိုဝါမြို့ တော်အတွင်းရှိ ကျောင်းသူကျောင်းသားများကို ပညာသင်ကြားပေးခဲ့သည်မှာ နှစ်ပေါင်း ၁၀၀ ကျော်ရှိပါပြီ။ ယနေ့ အချိန်တွင် ကျွန်ုပ်တို့ သည် ကျောင်းသားပေါင်း ၃၀,၀၀၀ ကျော်နှင့် လူ့ အဖွဲ့ အစည်းအတွင်းရှိ ကျောင်းပေါင်း ၆၀ ကျော်တို့ တွင် အမှုထမ်းလျက်ရှိသော ဆရာဆရာမနှင့် ဝန်ထမ်းပေါင်း ၅,၀၀၀ နီးပါးပါဝင်သည့် အိုက်အိုဝါတွင် အကြီးဆုံးလူထုပညာရေးထောက်ကူပေးသည့် အဖွဲ့ အစည်းဖြစ်နေပါပြီ။

ဒီမောရီစ်လူထု စာသင်ကျောင်းသည် ဒေသသုံးဘာသာစကားများအပါအဝင် ဘာသာစကားပေါင်း ၈၀ ကျော် ပြောဆိုကြသော ကျောင်းသူကျောင်းသားနှင့် မိသားစုများကို ဝန်ဆောင်မှုပေးခွင့်ရသည့်အတွက် ဂုဏ်ယူဝမ်းမြောက် ပါသည်။ မြန်မာဘာသာဖြင့်ဖတ်ရှုနိုင်မည့် ကျောင်းနှင့် ပညာရေးအစီအစဉ်များးနှင့် ပတ်သက်သည့် ထပ်ဆင့်သတင်း အချက်အလက်များကို မကြာမီကာလအတွင်းတွင် ဤစာမျက်နှာ၌ ကျေးဇူးပြု၍ ပြန်လည်စစ်ဆေးကြည့်ပါ။

ဒီမောရီစ်နှင့် ဒီအမ်ပီအက်စ် (DMPS) အကြောင်း

ဒီမောရီစ်သည် လန်းဆန်းတက်ကြွ၍ တီထွင်ထွန်းကားကာ ကွဲပြားခြားနားမူများရှိသော မြို့ တစ်မြို့ ဖြစ်သည်။ သားသမီးများကို ပြုစုပျိုးထောင်ခြင်း (Parenting) မဂ္ဂဇင်းက ဤနိုင်ငံအတွင်း မိသားစုတစ်စုကို ပြုစုပျိုးထောင်ရန် အကောင်းဆုံးဖြစ်သော မြို့ များစာရင်းတွင် ဒီမောရီစ်ကို နံပါတ် ၅ အဆင့်အဖြစ် သတ်မှတ်ထားသည်။ ထိုသို့  သတ်မှတ်ခံရခြင်းမှာ အထူးသဖြင့် ကောင်းမွန်သည့်ကျောင်းများနှင့် စာသင်ကြားမှုအခွင့်အလမ်းများကြောင့် ဖြစ်သည်။

ဤလက္ခဏာများကို ကျွန်ုပ်တို့ ၏ကျောင်းခရိုင်အတွင်းရှိ စီမံကိန်းအစီအစဉ်အတိုင်းအတာနှင့် ကျွန်ုပ်တို့  သင်ကြားပေးလျက်ရှိသည့် ကျောင်းသူကျောင်းသားများပေါ်တွင် ထင်သာမြင်သာစွာ တွေ့ မြင်နိုင်ပါသည်။ ကျွန်ုပ်တို့ ၏ကျောင်းသူကျောင်းသားများ၊ မိဘဆရာများနှင့် ဝန်ထမ်းများသည် နောက်ခံမျိုးစုံမှ လာရောက်ကြခြင်းဖြစ်ပြီး ယင်းက ဒီအမ်ပီအက်စ်ပညာရေးကို အနှစ်သာရ ကြွယ်ဝမှုရှိစေသည်။ ဒီမောရီစ်တွင် ရရှိနိုင်သော အခွင့်အလမ်းမြောက်မြားစွာတို့ က ကျောင်းသားတိုင်း၏ ပန်းတိုင်၊ ပညာရေးတွင် စိတ်ဝင်စားမှုနှင့် ကြိုးစားစွမ်းဆောင်လိုမှုများကို ပြည့်ဝစေသည်။

အိုက်အိုဝါတွင် ကျွန်ုပ်တို့ ၏ကျောင်းခရိုင်သည် ထွေပြားခြားနားသော ပညာရေးစီမံကိန်းမြောက်မြားစွာတို့ ကို စီစဉ်ပေးပါသည်။ အများစုတို့ မှာ နိုင်ငံအတွင်းတွင် ကျော်ကြားသောစီမံကိန်းများဖြစ်သည်။ ယင်းတို့ တွင် ဤပြည်နယ်၏ ပထမဦးဆုံးဖြစ်သော အပြည်ပြည်ဆိုင်ရာ ဘက်ကလိုရိရက် (International Baccalaureate) သင်ရိုးညွှန်းတမ်းနှင့် တစ်ခုတည်းသော လူထု မွန်တီဆိုရီ ကျောင်း(public Montessori school) တို့ ပါဝင်သည်။ ပညာတော်သင်များ(Gifted Education) အတွက် အိုက်အိုဝါတက္ကသိုလ် (University of Iowa) ၏ ဘာလင်-ဘလဲ့န်ခ် စင်တာ (Belin-Blank Center) အဆိုအရ ကျွန်ုပ်တို့ ၏ စင်ထရာ အကယ်ဒမီ (Central Academy) ၏ “အဆင့်မြင့်သင်တန်းများနှင့်ပတ်သက်သော ကောင်းမွန်သည့်မှတ်တမ်းများက အိုက်အိုဝါပြည်နယ်တစ်ခုလုံးအတွက် ဂုဏ်ယူစရာဖြစ်ပြီး၊”  ပြည်နယ် ၁၃ ပြည်နယ်တွင် လွန်ခဲ့သည့်တစ်နှစ်တာအတွင်း တစ်နိုင်ငံလုံးဆိုင်ရာ အေပီ (အဆင့်မြင့်သင်တန်း) ပညာရှင်များ (National AP Scholars) ကို ပိုမိုမွေးထုတ်ပေးခဲ့သည်။ ထို့ အပြင် ကျွန်ုပ်တို့ ၏ အထက်တန်းကျောင်း ငါးကျောင်းလုံးသည် အိုက်အိုဝါ၏ အေပီအညွှန်းတွင် အဆင့်သတ်မှတ်ခံခဲ့သည်။

ဒေါင်ထောင်း (Downtown) ကျောင်းသည် တစ်နိုင်ငံလုံး၏စံပြအဖြစ် အသိအမှတ်ပြုခံခဲ့ရသည်။ ကျောင်းအချို့  တွင် နှစ်တစ်လျှောက်လုံး စာသင်ကြားပေးသလို ကျွန်ုပ်တို့ ၏ အသက်မွေးဝမ်းကြောင်းနှင့် စက်မှုသိပ္ပံကျောင်း (Career & Tech Institute) တွင်လည်း အချက်အပြုတ်သင်တန်းမှစ၍ လေယာဉ်ထုတ်လုပ်ပျံသန်းမှု နည်းပညာသင်တန်းအထိ လေ့ကျင့်မှု အမျိုးမျိုးတို့ ကို သင်ကြားပေးလျက်ရှိသည်။

ကျွန်ုပ်တို့ ၏ဝက်ဘ်ဆိုက် (website) မှ ကြိုဆိုပါသည်။ ဒီမောရီစ်လူထု စာသင်ကျောင်းသည် ယင်း၏ အတိတ်အတွက် ဂုဏ်ယူသကဲ့သို့  အနာဂတ်အတွက်လည်း ပြင်ဆင်ထားသော ကျောင်းခရိုင်တစ်ခုဖြစ်သည်။ ဤလူထုစာသင်ကျောင်းပေါ်တွင်  သင်စိတ်ဝင်စားသည့်အတွက် ကျေးဇူးတင်ရှိပါသည်။


Some alphabets or characters may not appear correctly on all web browsers. For best results, use Internet Explorer or Firefox on Windows-based computers and Firefox on Apple computers.